اوان الورد

اهلا بكى فى منتدى بنات و بس المنتدى للفتيات فقط
ممنوع دخول الاولاد * اذا كنتى عضوة فتفضلى بالدخول
و ان لم تكونى فتفضلى بالتسجيل فى بنات و بس
و لا تشاركى ان لم ترغبى
تحياااات ادارة بنات و بس

انضم إلى المنتدى ، فالأمر سريع وسهل

اوان الورد

اهلا بكى فى منتدى بنات و بس المنتدى للفتيات فقط
ممنوع دخول الاولاد * اذا كنتى عضوة فتفضلى بالدخول
و ان لم تكونى فتفضلى بالتسجيل فى بنات و بس
و لا تشاركى ان لم ترغبى
تحياااات ادارة بنات و بس

اوان الورد

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

عالم بلا حدود .. معنا انتى وردة من الورود


    قصة ياسر وبدر

    avatar
    Admin
    Admin


    عدد المساهمات : 316
    تاريخ التسجيل : 04/08/2011
    الموقع : http://hi-mama.com

    قصة ياسر وبدر Empty قصة ياسر وبدر

    مُساهمة من طرف Admin الخميس أغسطس 25, 2011 10:01 am

    بسم الله الرحمن الرحيم
    السلام عليكم ورحمة الله وبركاته
    كيفكم ؟



    الله يديم عليكم الافراح والمسرات



    احنا طبعا مقبلين على الاجازه الصيفيه



    وموسم الاعراس



    الكل بحالة استعداد وسباق مع الزمن




    لاحظنا طبعا بكل كرت للدعوه مكتوب ممنوع دخول المغاتير




    يعني المتبرقعات او المنقبات




    طيب والمبرقعييييين هع




    دي قصة شابين تغتروا ودخلوا بعرس لاتفوتكم .




    قصة ياسر وبدر




    صديقي ياسر يحب وحدة ، وما عمره شافها ..



    وله ثلاث سنين ...ما شافته يقول عنده أخو حاشره



    المسكين ... يبي يموت على شوفتها ..



    المهم كسر خاطري و قلت له عندي فكرة



    أخليك تشوف هدى<< أسم حبيبته
    وهو يقمز واقف ويقول قل قسم



    المهم قلت له أسمع ياسر مالك الا أخليك تشوفها ..



    وراح تكون المقابلة بزواج داخل قصر الافراح
    عصب وقال مجنون انت



    وشلون أدخل بقصر الأفراح
    وش قالو لك بنت !!



    قلت ايوه هذا اللي أبي
    شف وأنا أخوك
    كلم هدى ...



    وأسالها عن أقرب عرس تكون فيه ..
    بشرط أنه يكون مسموح فيه للمغاتير < مغاتير يعني عليهم نقاب



    كلم البنت قالت يوم الخميس الجاي ،قلت حلو ...



    قل لها أنك تبي تدخل على أنك بنت
    التفت لي وهو مستغرب بنت .. !!
    قلت له نعم بنت



    المهم أتفق ياسر و هدى ،وقال لي بس بشرط أنا وأنت ندخل سوى
    عصبت وقلت : أنا والا أنت اللي يبي يشوف خويته




    المهم قعد يصيح والله ماروح لحالي..
    المهم رحمته ووافقت أني أروح معه
    حنا هالكلام يوم الأحد . ..
    قلت يالله .. يالله يمدينا



    قال ياسر وش عليه يالله يمدينا
    قلت نعنبو بليسك على العرس
    ماتشوف الحريم لاصار عندهن عرس يشغلونك قبل



    العرس سنة كامله وأنت رايح جاي: مابين السوق



    والمشغل والكوافيرا شف حنا راحمنا الله أنه ماحنا
    فاتشات



    بس يمكن قدام السكورتيات اللي يفتشن يقولون لازم
    نفتش



    عشان كذا ..لازم نشيل الشنب
    قال ياسر نعم نشيل الشارب



    قلت أيه الله يلعن الحب وسنينه
    و وافق وقال يالله مشينا !!
    قلت وين قال الحلاق ،



    قلت نعنبو بليسك تبينا نحلق قبل خمسة أيام


    تخيل خمسة وأنت ماغير تصدّد عن الناس ؟؟



    قال صح أجل وين نرووح
    قلت : السوق نشتري أغراض تنانير ومكياج ومسكرة



    وعباية كتف ونير وبرقع ...الخ
    المهم جهزنا ..وخلصنا كل شي مابقي الا حلاقة الشنب



    وبكرا العرس حلقنا الصبح ..
    أصلاً من التفكير والقلق ما نمنا
    رحنا الصبح 8ونص لم القصر اللي فيه الزواج ..



    على اننا نبي نستاجر ..
    وحنا قاعدين نرسم كروكي للموقع يعني البوابه . .



    الطريق مكان السكورتيات المهم جا ليلة العرس حلقنا الشنبات ورحنا الشقة المفروشه



    اللي مستاجرينها ومن الظهر وحنا قاعدين نلبس



    المهم قرب المغرب وما خلصنا
    قال ياسر : كله منك أجل وش لنا بتنورات ضيقات ليه
    ما خذينا " كلوش "



    والا نعولي مادري شلون ابي امشي
    قلت لاتفشلنا تقعد تقول عند البنات نعولي
    هذولن أسمهن شوكه . .



    المهم وندق على سواق هندي أبو عشرة ريال
    وهو يودينا وحنا متبرقعات .. وأنواع الكحل



    التفت لي ياسر وقال بدر.. قاطعته وقلت أنتبه تقول بدر
    تبي تفضحنا عند الهندي
    من الحين زي ما أتفقنا . ..أسمك أنت رقيه وأنا يارا



    التفتت لي بالبرقع وقال ليش أسمك أحسن من اسمي
    أبي أغير قلت ما يمدينا نغير خلاص



    قربنا القصر عشان ما نتلخبط
    أنا يارا وأنت رقيه والا ابرجع قال لا لا خلاص يارا أتفقنا !!



    المهم نزل ياسر"رقيه" وأنا أدور في جيبي اللي فوق وأدور


    بجيوبي اللي على جنب ..رجع ياسر وبغا يطيح علي



    مايعرف للكعب قال وش بك ما تنزل قلت ادور عشرة


    أعطيها السواق الهندي قال نعنبو
    بليسك اصلا ما فيه



    جيوب لك نسيت أنك لابس بلوزه وتنوره شفه بالشنطه



    قلت وين الشنطه قال على كتفك يا غبي



    والله وافتح الشنطة وأعطيه العشرة حاطته بمنديل


    قلت صديق شوف زي ما قلنا لك الساعة 12 بالضبط



    القاك واقف هنا هز راسه وقبل ما أسكر الباب التفت له
    بسرعة لقيته قاعد يقز



    المهم والتفت الا مليان المكان من السيارات اللي تنزل الحريم


    وين رقية . . واشوف اللي ذيك الوحدة اللي قاعدة على


    الرصيف تقل شحادة وأجي لمه قم فشلتنا وش بك قال الجزمة ما عرف
    امشي بها



    وجلست وعجزت أقوم من التنوره ضيقه قلت عطن يدك



    وكل ما أمسكة تنفلت يده من النعومه والدهونات
    و الدلوجات



    قلت أصبر خل ندخل القصر وتفصخهن ..



    ونمشي أنا وياه . . الا يوم جينا ندخل الا اكا الوحدة .



    . اللي تقول لـ الظلام أبعد وأجي مكانك



    وين ياحلوات قلت هلا أي خدمه قالت معكن " عذاب " مسئولة التفتيش
    وأنواع التفتيش وهي تفتشن قالت ممكن نتعرف
    قلت لا ما ني راعية هالسوالف أخلصي المهم عدينا



    التفتيش وأنا ورقيه قاعدات نمشي بالسيب تقل سكرانات
    من هالكعب



    المهم قلت أخلص ودور خويتك هدى . .
    وشفها وريحنا وأنا ابي أقعد هنا أنتظرك . .



    المهم وأنا قاعد أنتظره الا وش أشوف اشكال وانواع


    بعضهن مزيونات أنسى نفسى وأمشي وراهن



    وبعضهن أرحم أزواجهن وأقول من قلب يا حووول يا زوجها



    المهم ما دريت الا وحدة أقبلت تقل ما فيه بالقصر الا هي


    وتبي تجلس بالكرسي اللي جنبي وقبل ما تجلس حطيت



    يدي على الكرسي وقلت محجوز .
    وهي قاعدة تعلك وقالت لا ...
    عاد أنا ماقدرت أرده
    قلت أمزح...اقعدي


    ميلت أفمها . . وفهمت انه ما أرتاحت لي



    وهي تطلع منشاشة عشان المكياج قالت لي ليه ما فتشتي



    قلت: عشان أنا زواجي بعد اسبوع
    قالت لا ...
    الف مبروك بالبركة ...




    قلت عاد ماجبت بطاقة والا نتشرف
    المهم تأخرت رقية ...


    وأنا مع القزقزة وعطر اللي بجنمبي
    نسيت الدنيا


    وأرجع أشوف اللي قاعدة جنمبي ...ووه بس ...




    أبي اسولف معها بس ماعرف سواليف الحريم



    المهم التفت له وقلت : من هي الطقاقة
    قالت "لميس "


    مطربه من الرياض كويسه لميس .. ممتازة



    المهم وشوي الا أسمع التصريخ والتصفير جت لميس



    وانا اسئل الحلوة اللي بجنمي من جاب القول



    ضحكت وقالت عشان لميس جت
    قلت هذي لميس!!



    ياربي لك الحمد هذي لميس ...حرام والله


    قالت وش الحرام


    قلت اسم لميس على هالفره
    قعدت



    تضحك وانا اطيح مع ضحكتها يا زين ضحكتها ...


    قالت
    دمك خفيف ..
    هي بس قالت دمي خفيف ..
    وانا اقعد انكت عليها
    وهي



    ماتت من الضحك المهم ،
    قالت وهي تضحك انتي فلّه ، لازم تجين عندي بالقصر كم
    رقمك


    على طول 055555قالت اصبري كتبية بورقه



    قلت ابشري ادور القلم بجيبي اللي فوق واتذكر اني معي
    شنطه



    ومن الفرحة بدل ما أطلع القلم طلعت الولاعة


    قالت تدخنين .. قلت لا قسم بس خذيته من ولد اخوي
    يلعب بالطرطعان



    وخفت عليه مادريت الا صوت الشين
    اللي تقل ماأدري وشو الا هذي رقية تخبط بهالناس قال
    وينك ..



    وهو يقز اللي بجمبي " وخق " قلت
    اثقل وأغمز له قال
    للي بجمبي عن أذنك أبي "يارا "بكلمة راس
    قلت عن



    اذنك على فكرة من السوالف ماعرفت اسمك قالت
    " جوري " ووهـ بس ثانيه وأرجع


    رحت لرقية قال مشينا ..قلت مشى بطنك



    تونا فيه تمديد أقعد الحين
    الطقاقة تغني وتشوف الرقص والله انك ماترووح بدا



    الطق وانواع الوناسة


    ...بس قلبي كان مع جوري
    المهم قال ياسر مشينا قلت ماني رايح
    قال طلعت هدى



    شينه وصارحتها وقلت له ما أبيك لانك شينه



    أكيد الحين تزعل وتعلم علينا قلت يالله مشينا بس لحظة ابي



    أرقم جور ي وارجع وأطلع ورقة من الشنطه وبالكحل
    اكتب الرقم



    واروح وأعطيه لجوري ـ...وعلى طول
    البوابه ...:



    ونطلع وما معنا جوالات ننتظر الهندي من الساعة 10الى 12



    وهالشباب قاعدين يفرون علينا ... وبس


    ــــــــــــــــــــــــــــــــــــــــــــــــــ ـــــــ


    قصة لي كتبتها في أحد الأيام


    طبعا هو كتبها من فتره اكيد بس الله يستر تكفون يالسكوريتيان لاتدخلون احد الا وانتم مفتشينه زين هع


    الدنيا تخوف << اشوى انهم طلعوا مبكرين



    منقوله القصه لعنونكم الحلوه


    سلامي للجميع ....

      الوقت/التاريخ الآن هو الخميس مارس 28, 2024 8:10 pm